الدكتور معتصم محمد سمير

صيام مرضى القلب فى رمضان

إيه دة هو مرضى القلب هيصوموا اصلا؟!!.. لأ 
بس انا صحتي كويسة وأقدر أصوم ؟.. صوم
طيب لو تعبت أفطر؟!..أفطر
بس لو كويس أصوم ؟! صوم..
انا باخد مدرات بول علشان عضلة القلب ضعيفة؟ أفطر.. صوم.. أفطر..
الحمد الله علي نعمة الإسلام وأحكام الصيام.. فلم يترك شئ في هذه الدين إلا وقد ذكره رب العالمين “برحمة واسعة”
(فمن شهد منكم الشهر فليصمه، ومن كان ” مريضًا ” أو على سفر فعدة من أيام أخر، يريد الله بكم اليسر ولا يريد بكم العسر)
ركز أوى فى يريد الله بكم اليسر ولا يريد بكم العسر …
مريض القلب كلمة عامة لايمكن الأخذ بها كحكم عام لجميع المرضى، مريض ضعف عضلة القلب،
غير قصور الشرايين التاجية، غير جلطة القلب
غير الحمى الروماتزمية ، غير ضغط الدم المرتفع
غير دعامات القلب.. كل دة قلب ولكل مريض حكمه حسب مرضه وحالته الصحية..
مريض القلب إللى لا جدال على أن يفطر في رمضان لخطورة الصيام عليه
مرضى ضعف عضلة القلب إللى متشخص قريبا فى الشهور الاولي ومحتاج علاج مكثف بأنتظام وخصوصا مدرات البول.. يفطر
 مريض جلطة بالقلب او الذبحة الصدرية الغير مستقرة اللي ماعداش عليه ٣ شهور سواء ركب دعامات او لأ.. يفطر
مريض مركب أكثر من دعامة بالشرايين التاجية حديثا ماعداش عليه ٣شهور .. يفطر
 مريض الإرتفاع الشديد بضغط الشريان الرئوي المصاحب بضعف الجزء الايمن من عضلة القلب وتورم بالجسم.. يفطر
مريض جلطة الساق الحادة أو الشريان الرئوي الحادة وماعداش عليه 3 شهور.. يفطر
ضيق “شديد” بأي صمام بالقلب
(زي الأورطي او الميترالي ).. يفطر
جراحة قلب مفتوح ماعداش عليها ٣شهور.. يفطر
أي مريض قلب حالته مستقرة وشعر بتعب مع الصيام ( ألام بالصدر، ضيق تنفس، دوخة ،نهجان ، إغماء، تورم بالجسم).. يفطر
فيما عدا ذلك وبشرط إستقرار حالته الصحية والقدرة البدنية علي الصيام فليصم، وياخد باله
 الفطار :
لو هياخد علاجه علي الريق يشرب ماية أو لبن أو عصير وبعدين ياخد العلاج،
والفطار يكون كميات قليلة مايكلش حتى الأمتلاء.. علشان تاخد نفسك
الأكل بيسرع ضربات القلب ويوطي الضغط
الماية من 2_3 لتر على مدار الوقت بين الفطار والسحور.. ماتجيش قبل الاذان بخمس دقايق تشرب ازازة ماية.. وتحول المعدة لقربة ماية تطبق علي مراوحك بليل وأنت نايم 
المخلل والطرشي والموالح ممنوعة لانها بتحبس الماية فى الجسم وبترفع الضغط، بتحب الحادق أعصر ليمون او حط خل.
الأدوية اللى بتتاخد فى الفطار وخصوصا لو فيها مدرات بول تبقى على فطار رمضان ، وأدوية العشا على السحور، ومرضى السكر يرجعوا لدكتور السكر ولو سمح لهم بالصيام يبقى لازم يكون معاك جهاز قياس سكر بالبيت علشان لو قل أقل من 70 او زاد أكتر من 300 تفطر بلا تردد
 
مستنينكم في عيادتنا 

مع عياده دكتور معتصم محمد سمير استشاري أمراض القلب والقسطره


عيادة المعادى :
 23 برج كلاسيك الرقابة الإدارية بجوار مستشفى اليوم الواحد
تليفون : 01009283422
عيادة الهرم :
 98 شارع الهرم الرئيسى عمارة مصر للبرديات محطة المريوطية
تليفون : 01129086468
 59 برج الطيار – بجوار التوحيد والنور وشارع ترسا – الهرم
تليفون : 01144735046 

اخر المقالات
اتصل الان